Shpallje Pozicioni Vakant në Agjencinë Kombëtare të Kontrollit të Cannabis-it
SPECIALIST
në Sektorin e Koordinimit Institucional dhe Çështjeve Ligjore pranë Drejtorisë së Integritetit, Koordinimit Institucional dhe Çështjeve Ligjore në Agjencinë Kombëtare të Kontrollit të Cannabis-it, klasa e pagës II-2
Afati i aplikimit: 31 gusht 2026
Vendndodhja: Rr “Ibrahim Rugova”,5, kati 13, 1001, Tiranë.
Marrëdhëniet e punës rregullohen në bazë të Kontratës Individuale të Punës që lidhet në zbatim të Kodit të Punës së Republikës së Shqipërisë.
Kushtet dhe kriteret që duhet të plotësojë kandidati
◊ Kushtet e përgjithshme
✓ Të jetë shtetas shqiptar;
✓ Të ketë zotësi të plotë për të vepruar;
✓ Të zotërojë gjuhën shqipe, të shkruar dhe të folur;
✓ Të jetë në kushte shëndetësore që e lejojnë të kryejë detyrën përkatëse;
✓ Të zotërojë diplomën universitare të Nivelit të 7 të KSHK (Master i shkencave apo të barasvlefshme me të sipas legjislacionit të arsimit të lartë);
✓ Të ketë përvojë pune jo më pak se 3 (tre) vjet në profesion;
✓ Të ketë njohuri të mira të gjuhës angleze certifikuar nga institucione publike ose nga subjekte të njohura nga ministria përgjegjëse për arsimin, për ofrimin e testeve ndërkombëtare; ✓ Të ketë njohuri të mirë të përdorimit të kompjuterit dhe të paketës Microsoft;
✓ Mos të jetë larguar nga puna me masë disiplinore, që nuk është shuar sipas legjislacionit në fuqi.
◊ Kriteret e veçanta etiko-profesionale
Fusha e kualifikimeve
Kandidatët duhet të zotërojnë diplomë universitare në fushën shkencave shoqërore ekzakte/ekonomike/juridike si dhe certifikata ose trajnime profesionale në fushën e e studimeve dhe zhvillimit profesional.
Diploma e nivelit Bachelor preferohet të jetë në të njëjtën fushë me Diplomën e nivelit Master.
Eksperienca profesionale
Kandidatët duhet të kenë përvojë pune në një ose më shumë nga fushat vijuese:
-
- administratë publike;
- mbledhjen,përpunimin dhe analizimin e të dhënave statistikore;
- administrimin e bazave të të dhënave, regjistrave elektronikë dhe sistemeve të informacionit;
- hartimin e raporteve statistikore, analizave dhe dokumentacionit mbështetës për proceset vendimmarrëse;
- punën në institucione publike ose private që ushtrojnë veprimtari në fushën e statistikave, analizës së të dhënave ose menaxhimit të informacionit.
Njohuri apo trajnime të tjera
Kandidati preferohet të ketë:
-
- certifikime apo trajnime të ndryshme në lidhje me detyrat kryesore;
-
- njohuri të mira të një prej gjuhëve të tjera zyrtare (frëngjisht / gjermanisht / italisht / spanjisht) të Bashkimit Evropian.
◊ Kushtet për pastërtinë e figurës
Të plotësojë kriteret e integritetit moral, si pjesë e procesit të verifikimit të pastërtisë së figurës sipas Udhëzimit të Përbashkët nr.274, datë 16.05.2024, “Për përcaktimin e procedurave, afateve, kritereve dhe dokumentacionin e nevojshëm për verifikimin e pastërtisë së figurës së punonjësve të agjencisë Kombëtare të Kontrollit të Cannabis-it apo të subjekteve të licencuara apo të lejuara, si dhe të kritereve etiko-profesionale”, të ndryshuar.
Për më tepër vizitoni linkun:
https://nacc.gov.al/wp-content/uploads/2025/08/Udhezimi-nr.-274-i-ndryshuar.pdf
Dokumentet që duhet të dorëzojë kandidati
-
- Kërkesë për aplikim;
- Jetëshkrim i plotësuar në format Europass (shkarko);
- Fotokopje e librezës së punës;
- Vetëdeklarim për masat disiplinore (shkarko formularin);
- Formularët sipas aneksit 1 dhe 2 të Udhëzimit të Përbashkët nr.274 (shkarko).
- Formulari i vetëdeklarimit sipas ligjit nr.138/2015; (shkarko fomularin) (shkarko cover)
- Fotokopje e kartës së identitetit ose të pasaportës;
- Certifikata familjare dhe personale;
- Certifikatë e gjendjes gjyqësore;
- Fotokopje të noterizuara të diplomave të arsimit të lartë;
- Dëshmi e njohjes së gjuhës angleze dhe gjuhëve të tjera të huaja;
- Vërtetim i gjendjes shëndetësore;
- Vërtetim i prokurorisë;
- Vërtetim i Strukturës së Posaçme kundër Korrupsionit dhe Krimit të Organizuar;
- Çdo dokument tjetër që vërteton kualifikimet, trajnimet apo arsimin shtesë.
◊ Aftësitë e kërkuara
-
- Punon në grup;
- Siguron bashkëpunim institucional dhe ndërinstitucional.
- Ndjek proceset e punës në mënyrë efektive;
- Analizon situatat komplekse dhe dhënien e rekomandimeve të shpejta e të argumentuara;
- Përshtatet me metoda dhe procedura të reja pune;
- Përfaqëson profesionalisht në të njëjtin nivel.
Si të aplikosh
Dokumentet duhet të dorëzohen deri më 31.08.2026.
-
Elektronikisht, në këtë link;
Me postë drejtuar: 
Agjencisë Kombëtare të Kontrollit të Cannabis-it Rr. “Ibrahim Rugova”, 5, kati 13, 1001, Tiranë
Kujdes: Që aplikimi juaj të jetë i vlefshëm duhet të bëhet në të dyja mënyrat e përcaktuara më sipër.
Pyetje? Na shkruani në adresën e email: rekrutime@nacc.gov.al
Përshkrimi i përgjithshëm i punës
-
- Mbledh, përpunon dhe analizon të dhënat statistikore që lidhen me veprimtarinë e Agjencisë, në nivel institucional dhe sektorial, duke siguruar saktësinë dhe konsistencën e tyre.
- Përgatit raporte periodike, analiza statistikore dhe përmbledhje të dhënash që shërbejnë për monitorimin e performancës institucionale dhe mbështetjen e vendimmarrjes në nivel Drejtorie dhe Drejtori të Përgjithshme.
- Ndërton dhe mirëmban databaza statistikore të Agjencisë, duke siguruar sistemim të rregullt, përditësim të vazhdueshëm dhe akses të kontrolluar të informacionit.
- Harmonizon metodologjinë e mbledhjes dhe përpunimit të të dhënave statistikore në bashkëpunim me strukturat e tjera të Agjencisë, për të garantuar standardizim dhe krahasueshmëri të informacionit.
- Identifikon treguesit kryesorë të performancës dhe kontribuon në matjen dhe vlerësimin e tyre në funksion të objektivave strategjikë të Agjencisë.
- Ofron mbështetje analitike për Drejtorinë e Koordinimit Institucional dhe Çështjeve Ligjore në përgatitjen e raporteve, analizave dhe materialeve informuese për Drejtorin e Përgjithshëm.
- Përpunon të dhëna nga sistemet e brendshme të Agjencisë dhe burime të tjera relevante, duke i transformuar në informacion të strukturuar për përdorim institucional.
- Siguron integritetin, besueshmërinë dhe konfidencialitetin e të dhënave statistikore të administruara nga Agjencia.
- Bashkëpunon me të gjitha drejtoritë e Agjencisë për mbledhjen dhe verifikimin e të dhënave statistikore në nivel operacional dhe strategjik.
- Përgatit analiza krahasuese periodike mbi ecurinë e proceseve institucionale, duke evidentuar tendencat, problematikat dhe fushat për përmirësim.
- Kontribuon në zhvillimin dhe përmirësimin e sistemeve të raportimit dhe monitorimit të performancës institucionale.
- Kryen detyra të tjera të natyrës statistikore dhe analitike të ngarkuara nga Drejtori i Drejtorisë dhe Drejtori i Përgjithshëm.
Vlerësimi i kandidatëve
Kandidatët vlerësohen në bazë të:
-
Jetëshkrimit dhe përvojës së kandidatit;- Përmbushjes së kritereve të veçanta etiko-profesionale;
Intervistës lidhur me aftësitë, kompetencën, motivimin dhe pritshmëritë për karrierën.
Mosparaqitja e plotë e dokumenteve brenda afatit të caktuar dhe mënyrës së përcaktuar në këtë shpallje sjell skualifikim të kandidatit.
Inkurajojmë të gjithë të interesuarit që përmbushin kriteret të aplikojnë!
