📢 Shpallje Pozicioni Vakant në Agjencinë Kombëtare të Kontrollit të Cannabis-it
KOORDINATOR
në Drejtorinë e Integritetit, Koordinimit Institucional dhe Çështjeve Ligjore, Sektori i Verifikimit të Figurës dhe Integritetit në Agjencinë Kombëtare të Kontrollit të Cannabis-it, klasa e pagës II-1
📅 Afati i aplikimit: 2 korrik 2026, ora 16:30
🌍 Vendndodhja: Tiranë, Rr “Ibrahim Rugova”,5, kati 13
Marrëdhëniet e punës rregullohen në bazë të Kontratës Individuale të Punës që lidhet në zbatim të Kodit të Punës së Republikës së Shqipërisë
✅ Kushtet dhe kriteret që duhet të plotësojë kandidati
◊ Kushtet e përgjithshme
✓ Të jetë shtetas shqiptar;
✓ Të ketë zotësi të plotë për të vepruar;
✓ Të zotërojë gjuhën shqipe, të shkruar dhe të folur;
✓ Të jetë në kushte shëndetësore që e lejojnë të kryejë detyrën përkatëse;
✓ Të zotërojë diplomën universitare të Nivelit të 7 të KSHK (Master i shkencave apo të barasvlefshme me të sipas legjislacionit të arsimit të lartë);
✓ Të ketë përvojë pune jo më pak se 5 (pesë) vjet në profesion;
✓ Të ketë njohuri të mira të gjuhës angleze;
✓ Të ketë njohuri të mirë të përdorimit të kompjuterit dhe të paketës Microsoft;
✓ Mos të jetë larguar nga puna me masë disiplinore, që nuk është shuar sipas legjislacionit në fuqi.◊ Kriteret e veçanta etiko-profesionale
Fusha e kualifikimeve
Kandidatët duhet të zotërojnë diplomë universitare në fushën e shkencave shoqërore ose sigurisë/mbrojtjes si dhe certifikata apo trajnime në lidhje me fushën e studimeve.
Diploma e nivelit Bachelor duhet të jetë në të njëjtën fushë me diplomën e nivelit Master Shkencor.
Eksperienca profesionale
Kandidatët duhet të kenë përvojë pune në dy ose më shumë nga fushat vijuese:
- administratë publike;
- procese pune që lidhen me hartimin administrimin ose shqyrtimin e dokumentacionit dhe akteve administrative;
- marrëdhëniet me organizatat ndërkombëtare në fushën e sigurisë.
Njohuri apo trajnime të tjera
Kandidati preferohet të ketë:
- certifikime apo trajnime të ndryshme në lidhje me detyrat kryesore;
- njohuri të mira të një prej gjuhëve të tjera zyrtare (frëngjisht / gjermanisht / italisht / spanjisht) të Bashkimit Evropian.
◊ Kushtet për pastërtinë e figurës
Të plotësojë kriteret e integritetit moral, si pjesë e procesit të verifikimit të pastërtisë së figurës sipas Udhëzimit të Përbashkët nr.274, datë 16.05.2024, “Për përcaktimin e procedurave, afateve, kritereve dhe dokumentacionin e nevojshëm për verifikimin e pastërtisë së figurës së punonjësve të agjencisë Kombëtare të Kontrollit të Cannabis-it apo të subjekteve të licencuara apo të lejuara, si dhe të kritereve etiko-profesionale”, të ndryshuar.
Të jetë i pajisur me Certifikatë të Sigurisë së Personelit të lëshuar nga Autoriteti Kombëtar për Sigurinë e Informacionit të Klasifikuar të nivelit “Konfidencial” ose “Sekret” ose të plotësojë kushtet për tu pajisur me CSP për nivelet e kërkuara.
Për më tepër vizitoni linkun:
https://nacc.gov.al/wp-content/uploads/2025/08/Udhezimi-nr.-274-i-ndryshuar.pdf
📂 Dokumentet që duhet të dorëzojë kandidati
- Kërkesë për aplikim;
- Jetëshkrim i plotësuar në format Europass (shkarko);
- Fotokopje e librezës së punës;
- Vetëdeklarim për masat disiplinore (shkarko formularin);
- Formularët sipas aneksit 1 dhe 2 të Udhëzimit të Përbashkët nr.274 (shkarko).
- Formulari i vetëdeklarimit sipas ligjit nr.138/2015; (shkarko fomularin) (shkarko cover)
- Fotokopje e kartës së identitetit ose të pasaportës;
- Certifikata familjare dhe personale;
- Certifikatë e gjendjes gjyqësore;
- Fotokopje të noterizuara të diplomave të arsimit të lartë;
- Dëshmi e njohjes së gjuhës angleze dhe gjuhëve të tjera të huaja;
- Vërtetim i gjendjes shëndetësore;
- Vërtetim i prokurorisë;
- Vërtetim i Strukturës së Posaçme kundër Korrupsionit dhe Krimit të Organizuar;
- Çdo dokument tjetër që vërteton kualifikimet, trajnimet apo arsimin shtesë.
◊ Aftësitë e kërkuara
- Koordinon;
- Përcakton prioritete dhe respekton afatet;
- Planifikuar, ndjek dhe monitoron punën;
- Komunikuar dhe prezanton;
- Analizon dhe përshtat;
- Gjithashtu kandidati duhet të ketë aftësi shumë të mira analize, propozime konkrete për vendimmarrjeje të shpejtë, si dhe fleksibilitet në pranimin e metodave dhe procedurave të reja.
🚀 Si të aplikosh
📧 Dokumentet duhet të dorëzohen deri më 2.07.2026, ora 16:30:
- 🌐 Elektronikisht, në këtë link;
- 📮 Me postë drejtuar:
📍 Agjencisë Kombëtare të Kontrollit të Cannabis-it
Rr. “Ibrahim Rugova”, 5, kati 13, Tiranë
⚠️ Kujdes: Që aplikimi juaj të jetë i vlefshëm duhet të bëhet në të dyja mënyrat e përcaktuara më sipër.
📬 Pyetje? Na shkruani në adresën e e-mail: info@nacc.gov.al
🔎 Përshkrimi i përgjithshëm i punës
- Koordinon dhe siguron bashkëpunim të vazhdueshëm me autoritetet ligjzbatuese dhe strukturat shtetërore për garantimin e integritetit dhe pastërtisë së figurës së punonjësve të Agjencisë dhe të subjekteve të licencuara, në funksion të parandalimit të veprimtarive të kundërligjshme dhe forcimit të transparencës institucionale.
- Koordinon dhe ndjek procesin e verifikimit të pastërtisë së figurës, në përputhje me legjislacionin në fuqi dhe metodologjinë përkatëse, për aplikantët, punonjësit e Agjencisë dhe personelin e subjekteve të licencuara ose të lejuara.
- Vlerëson plotësinë dhe rregullsinë e dokumentacionit të paraqitur dhe siguron administrimin korrekt të dosjeve në procesin e verifikimit.
- Koordinon mbledhjen e informacionit dhe përgatitjen e raportit përfundimtar mbi rezultatet e verifikimit, si dhe propozon vendimmarrjen përkatëse mbi përmbushjen ose jo të kritereve të pastërtisë së figurës.
- Administron komunikimin zyrtar dhe shkresor që lidhet me procesin e verifikimit, duke garantuar respektimin e legjislacionit për mbrojtjen e të dhënave personale dhe trajtimin e kërkesave të ndryshme administrative.
- Harton raporte periodike dhe analiza mbi ecurinë e procesit të verifikimit të figurës për Drejtorin e Përgjithshëm, të cilët vlerësohen më parë nga koordinatori drejtues.
- Bashkëpunon në mënyrë të vazhdueshme me agjencitë e zbatimit të ligjit për shkëmbimin e informacionit dhe parandalimin e veprimtarive kriminale që mund të cenojnë integritetin e personelit të Agjencisë dhe subjekteve të licencuara.
- Kontribuon në proceset e lidhura me licencimin, trajnimin e stafit dhe çështjet e burimeve njerëzore, në bashkëpunim me strukturat përkatëse të Agjencisë.
- Kontribuon në përgatitjen e akteve nënligjore, marrëveshjeve dhe propozimeve për përmirësime ligjore në kuadër të zbatimit të legjislacionit përkatës.
- Kryen edhe detyra të tjera të ngarkuara nga eprorët ose të parashikuara nga kuadri ligjor në fuqi.
✔️ Vlerësimi i kandidatëve
Kandidatët vlerësohen në bazë të:
- 📝 Jetëshkrimit dhe përvojës së kandidatit;
- ✅ Përmbushjes së kritereve të veçanta etiko-profesionale;
- 💬 Intervistës lidhur me aftësitë, kompetencën, motivimin dhe pritshmëritë për karrierën.
Mosparaqitja e plotë e dokumenteve brenda afatit të caktuar dhe mënyrës së përcaktuar në këtë shpallje sjell skualifikim të kandidatit.
✨ Inkurajojmë të gjithë të interesuarit që përmbushin kriteret të aplikojnë! ✨
