Në bashkëpunim me Nevada Cannabis Compliance Board të SHBA-së, AKKC zhvilloi një vizitë në Planet 13 Holdings dhe në subjektin kultivues Bell Drive, ndër subjektet më të mëdha prodhuese dhe shpërndarëse të produkteve dhe nënprodukteve të cannabis-it në nivel global.

Vizita ishte një mundësi e vlefshme për të parë nga afër metodat e avancuara të prodhimit dhe për të kuptuar kushtet që duhet të plotësojë një kompani për të operuar në këtë sektor. U theksuan kërkesat specifike për zhvillimin e industrisë së cannabis-it dhe roli kyç i AKKC-së në mbikëqyrjen e zbatimit të legjislacionit në këtë fushë. Njohuritë e marra gjatë kësaj vizite do të kontribuojnë në mënyrë të ndjeshme në forcimin dhe përmirësimin e kuadrit rregullator, duke hapur rrugën për një zhvillim të qëndrueshëm dhe të suksesshëm të këtij sektori në Shqipëri.