Programi i Transparencës

Programi i Transparencës

Bazuar në nenin 7 të ligjit nr. 119/2014 “Për të drejtën e informimit”, I përditësuar, (në vijim “LDI”), Autoriteti Publik (në vijim “AP”) duhet të publikojë Programin e Transparencës (në vijim “PT”) të miratuar nga Komisioneri për të Drejtën e Informimit dhe Mbrojtjen e të Dhënave Personale (në vijim “Komisioneri”). AP duhet të publikoj informacion sipas veprimtarisë së tij funksionale si dhe të rishikoj e përditësoj PT në çdo rast të ndryshimit të aktivitetit institucional, kuadrit ligjor rregullator apo çdo elementi tjetër që ka lidhje me transparencën proaktive. Në PT janë të specifikuara kategoritë e informacionit të detyrueshëm për t’u bërë publik. Informacioni publik pa kërkesë duhet të jetë: i plotë, i saktë, i përditësuar, i thjeshtë në konsultim, i kuptueshëm, lehtësisht i aksesueshëm dhe i pajtueshëm me dokumentet origjinale në posedim të AP. Gjithashtu, përpara publikimit të informacionit AP duhet të vlerësojë nësë ka ndonjë kufizim ligjor për publikim. Aktet që përmbajnë rregulla, norma apo kufizime të të drejtave dhe lirive themelore të individit, si dhe me efekt të drejtpërdrejtë për ta, bëhen publike me anë të afishimit apo postimit në faqen zyrtare të internetit, brenda 48 orëve prej miratimit të aktit nga AP. Në programin e transparencës janë të specifikuara kategoritë e informacionit të detyrueshëm për t’u bërë publik, mënyra e publikimit, si dhe parashikimet ligjore prej të cilave lind detyrimi për publikim. Në publikimin e informacionit, AP duhet të mbajnë parasysh interesin e publikut si dhe të mundësojnë aksesimin lehtësisht në informacionin publik.

Rreth Autoritetit

• Struktura Organizative/Organigrama (pdf)
• Struktura e pagave (vendimi pdf)
• Funksionet dhe Detyrat e AKKC
• Kompetencat e Agjencisë

Drejtimi dhe organizimi

Agjencia drejtohet nga drejtori i përgjithshëm, i cili organizon dhe drejton të gjithë veprimtarinë e institucionit dhe përgjigjet përpara ministrit përgjegjës për shëndetësinë. Pranë Agjencisë krijohet dhe funksionon Komisioni i Licencave, me qëllim mbështetjen e saj në ushtrimin e kompetencave, në përputhje me rolin dhe detyrat që ka sipas parashikimeve të këtij ligji. Struktura dhe organika e Agjencisë miratohen me urdhër të Kryeministrit, me propozimin e ministrit përgjegjës për shëndetësinë.

Marrëdhëniet e punës së punonjësve të Agjencisë rregullohen sipas Kodit të Punës.

Punonjësi i Agjencisë duhet të ketë integritet dhe figurë të pastër morale. Ai nuk duhet të ketë qenë i dënuar me vendim gjykate të formës së prerë për një vepër penale të kryer në fushën e narkotikëve.

Personat që punësohen në Agjencinë Kombëtare të Kontrollit të Cannabis-it, krahas kërkesave të përgjithshme, duhet të plotësojnë edhe kriteret për pastërtinë e figurës, si dhe kritere të veçanta profesionale për pozicione specifike pune. Verifikimi i kritereve të pastërtisë së figurës zbatohet ndaj personit që kërkon të punësohet në Agjenci, si dhe për lidhjet e tij me personat e familjes ose jashtë saj. Personat që nuk plotësojnë kriterin e pastërtisë së figurës, nuk mund të lidhin ose të vijojnë të kenë marrëdhënie pune me Agjencinë. Kriteret profesionale për punonjësit e Agjencisë, si dhe të verifikimit të figurës së punonjësve të subjekteve të licencuara përcaktohen me udhëzim të përbashkët të ministrit përgjegjës për çështjet e brendshme dhe sigurinë, ministrit përgjegjës për bujqësinë dhe ministrit përgjegjës për shëndetësinë, me propozimin e drejtorit të përgjithshëm të Agjencisë.

Komisioni i Licencave

Pranë Agjencisë ngrihet Komisioni i Licencave, për shqyrtimin dhe vlerësimin e kërkesave të paraqitura për marrjen e licencës, për kultivimin e cannabis-it, për qëllime mjekësore, sipas përcaktimeve të këtij ligji.

Komisioni ka 7 anëtarë dhe ka këtë përbërje:

3 përfaqësues nga ministria përgjegjëse për shëndetësinë;

1 përfaqësues nga ministria përgjegjëse për rendin dhe sigurinë publike;

2 përfaqësues nga ministria përgjegjëse për bujqësinë;

1 përfaqësues nga ministria përgjegjëse për ekonominë

Kryetari i Komisionit është njëri nga përfaqësuesit e ministrisë përgjegjëse për shëndetësinë. Emrat nominalë të anëtarëve të Komisionit të Licencave caktohen me urdhër të ministrave përkatës.

Ministrat, sipas parashikimit të pikës 2, mund të caktojnë si anëtarë persona që ushtrojnë funksione publike që kanë lidhje me funksionin dhe detyrat e këtij Komisioni, dhe kanë jo më pak se 5 vjet përvojë pune. Anëtarët e Komisionit caktohen për një periudhë deri në 4 vjet.

Anëtarët e Komisionit kanë detyrim dhe nënshkruajnë deklaratën e konfidencialitetit, deklaratën e mungesës së konfliktit të interesit, si dhe duhet të jenë të pajisur me certifikatën e sigurisë nga Drejtoria e Sigurimit të Informacionit të Klasifikuar.

Komisioni i Licencave ka këto detyra:

administron dhe verifikon dokumentacionin e paraqitur nga subjektet që kanë bërë kërkesë për t’u pajisur me licencë, sipas parashikimeve të nenit 16 të këtij ligji, të vënë në dispozicion nga Agjencia;

vlerëson plotësimin e kushteve në lidhje me mjediset, pajisjet dhe personelin për marrjen e licencës;

harton listën dhe relacionin përkatës në lidhje me subjektet kërkuese, si dhe përgatit propozimin për dhënien ose refuzimin e licencës;

ç) në rast të konstatimit të shkeljeve, sipas përcaktimeve të këtij ligji, i propozon ministrit përgjegjës për shëndetësinë marrjen e masës administrative të pezullimit apo shfuqizimit të licencës.

Funksionet e asistencës dhe të mbështetjes logjistike të Komisionit të Licencave realizohen nga Agjencia përmes punonjësve të caktuar nga drejtori i përgjithshëm, që shërbejnë si sekretariat teknik për mbledhjet e Komisionit.

Organizimi i punës dhe i veprimtarisë së Komisionit bëhet me urdhër të ministrit përgjegjës për shëndetësinë. Anëtarët e Komisionit ushtrojnë veprimtarinë e tyre kundrejt shpërblimit. Masa e shpërblimit për kryetarin dhe anëtarët e Komisionit përcaktohet sipas vendimit të Këshillit të Ministrave për përcaktimin e masës së shpërblimit të anëtarëve të këshillave, bordeve ose komisioneve të përhershme të njësive të qeverisjes qendrore.

• Procedurat dhe mekanizmat për të bërë kërkesë dhe ankesë që lidhen me veprimet ose mosveprimet e AKKC ( Përfshirë adresën postare/elektronike për depozitimin e kërkesave dhe ankesave – Afatet dhe mënyrën e kthimit të përgjigjeve) (pdf)

Kërkesa për informim:

Bazuar në Ligjin nr. 119/2014 “Për të Drejtën e Informimit”, I ndryshuar, (shtuar pika 6, me ligjin nr.78, datë 21.9.2023):

Kërkesa për informim bëhet me shkrim dhe dërgohet dorazi, me postë ose me postë elektronike, duke paraqitur saktë identitetin e kërkuesit dhe nënshkrimin e tij.

Kërkesa për informim duhet të përmbajë:

1. a) emrin dhe mbiemrin e kërkuesit;
2. b) adresën postare ose elektronike ku kërkohet të dërgohet informacioni;
3. c) përshkrimin e informacionit që kërkohet;

ç) formatin në të cilin preferohet informacioni;

1. d) çdo të dhënë që kërkuesi gjykon se mund të ndihmojë në identifikimin e informacionit të kërkuar.

Në qoftë se kërkesa për informim nuk e përcakton formatin në të cilin kërkohet informacioni, ai jepet në mënyrën më të efektshme dhe me koston më të ulët për autoritetin publik.

Përjashtimisht, kërkesat për njohjen me informacionin arkivor të ruajtur në arkivat e përhershëm trajtohen në përputhje me ligjin nr. 9154, datë 6.11.2003, “Për arkivat.”.

Afati për marrjen e informacionit:

1. Autoriteti publik trajton kërkesën për informim, duke parashtruar informacionin e kërkuar sa më shpejt që të jetë e mundur, por jo më vonë se 10 ditë pune nga dita e dorëzimit të saj, përveç rasteve kur ligji i posaçëm parashikon ndryshe.
2. Kur autoriteti publik që merr kërkesën për informim ia dërgon atë një autoriteti tjetër, ai kthen përgjigje jo më vonë se 15 ditë pune nga dita e mbërritjes së kërkesës në autoritetin e parë.
3. Afati i parashikuar në pikat 1 dhe 2, të këtij neni, mund të zgjatet me jo më shumë se 5 ditë pune për një nga shkaqet e mëposhtme: a) nevoja për të kërkuar dhe shqyrtuar dokumente të shumta e voluminoze; b) nevoja për t’i shtrirë kërkimet në zyra dhe mjedise që janë fizikisht të ndara nga zyra qendrore e autoritetit; c) nevoja për t’u konsultuar me autoritete të tjera publike përpara marrjes së një vendimi për plotësimin ose jo të kërkesës. Vendimi për zgjatjen e afatit i njoftohet menjëherë kërkuesit.
4. Në çdo rast, mostrajtimi i kërkesës për informim brenda afateve të sipërpërmendura do të konsiderohet refuzim.
5. Dispozitat e këtij neni zbatohen edhe për njohjen me informacionin arkivor të ruajtur në arkivat në veprim.

Të dhënat e kontaktit të institucionit:

Mail: info@nacc.gov.al

Koordinatori Për të Drejtën e Informimit: Alkida.Myftaraj

e-mail: alkida.myftaraj@nacc.gov.al

Numër tel: 0683837468

Adresa: Rruga e Kavajës, Tiranë

Orari

08:00-16:30, nga e hëna në të enjte dhe 08:00-14:00 ditën e premte

Kuadri ligjor rregullator

• Ligje Ndërkombëtare

https://www.unodc.org/pdf/convention_1961_en.pdf

https://www.unodc.org/pdf/convention_1971_en.pdf

https://www.unodc.org/pdf/convention_1988_en.pdf

• Ligje Kombëtare

Ligji nr 61/2023 – Për kontrollin e kultivimit dhe përpunimit të bimës së cannabis-it dhe prodhimit të nënprodukteve të saj për qëllime mjekësore dhe industriale

LIGJ Nr. 119/2014 Për Të Drejtën E Informimit (I ndryshuar) (pdf)

LIGJ Nr. 9887, datë 10.3.2008 Për Mbrojtjen E Të Dhënave Personale (i ndryshuar) (pdf)

• Aktet Nënligjore (vendime udhezime)

Udhëzimi nr. 274  datë 16.05.2024 – Për përcaktimin e procedurave, afateve, kritereve dhe dokumentacionin e nevojshëm për verifikimin e pastërtisë së figurës së punonjësve të agjencisë Kombëtare të Kontrollit të Cannabis-it apo të subjekteve të licencuara apo të lejuara, si dhe të kritereve etiko-profesionale

Urdhër nr.56, dt 05.04.2024, i Kryeministrit – Për miratimin e strukturës dhe të organikës së Agjencisë Kombëtare të Kontrollit të Cannabis-it

Urdhër nr.98, dt.23.02.2024 i Ministrit të Shëndetësisë dhe Mbrojtjes Sociale – Për përcaktimin e formatit të licencës për ushtrimin e aktiviteteve të lidhura me prodhimin e cannabis për qëllime mjekësore

Vendim nr 310 date 22.05.2024 – Për përcaktimin e masës së pagesës për anëtarët e komisionit të licencave, për kultivimin e cannabis-it për qëllime mjekësore

• Rregullore e Brendshme
• Kodi i Etikës
• Strategji
• Raporte Vjetore
• Dokumenta Politikash

E drejta për t’u informuar dhe për t’u ankuar

• Koordinatori Alkida Myftaraj
• Email: alkida.myftaraj@nacc.gov.al info@nacc.gov.al
• Tel: 0683837468 Adresa:
• Orari
  E hënë – E enjte: 08:00 – 16:30
  E premte: 08:00 – 14:00
• Format kërkese / Shpjeguese (Hapat që duhet të ndiqen për të bërë një kërkesë për informim) (pdf)
• Format ankese / Shpjeguese (Procedura e ankimit tek Komisioneri) (pdf)

Mekanizmat kontrollues dhe monitorues që veprojnë mbi AP

Mekanizma Ndërkombëtarë

• Bordi Ndërkombëtar për Kontrollin e Narkotikëve (International Narcotics Control Board)
• Zyra e Kombeve të Bashkuara për Drogën dhe Krimin (United Nations Office on Drugs and Crime)
• Organizata Botërore e Shëndetësisë (World Health Organization)
• Qendra Europiane për Monitorimin e Drogërave dhe Varësisë ndaj tyre (European Monitoring Center for Drugs and Drug Addiction)

Mekanizma Kombëtarë

• Raport 6 Mujor pranë Ministrisë së Shëndetësisë dhe Mbrojtjes Sociale

Informacion mbi buxhetin dhe të dhënat financiare të AP

• Buxheti, plani i shpenzimeve për vitin financiar në vijim dhe vitet e kaluara (sipas viteve)
• Raport vjetor për zbatimin e buxhetit dhe anekset (sipas viteve)
• Donacione, sponsorizime (sipas viteve)
• Dokumente që tregojnë gjendjen e shlyerjes së detyrimeve nga subjektet e licencuara*
• Zyra e Komisionerit nuk tarifon pagesë për shërbimet e saj.

Shënim: Në ato raste kur autoriteti publik vetëfinancohet nga tarifat e licencave ose çdo formë tjetër e financimit të drejtpërdrejtë nga subjektet e rregulluara prej tij, bëhen publike edhe dokumentet që tregojnë gjendjen e shlyerjes së detyrimeve nga subjektet e licencuara.

Informacion për procedurat e prokurimit/procedurat konkurruese të koncesionit/partneritetit publik privat

• Lista e kontratave të lidhura (përfshirë shumën e kontraktuar, palët kontraktuese dhe përshkrimin e shërbimeve)
• Regjistri i realizimeve dhe donacionet (sipas viteve)
• Regjistri i parashikimeve të prokurimit publik
• Regjistri i realizimeve të prokurimit publik
• Informacion mbi zbatimin dhe monitorimin e kontratave, si dhe udhëzues e politika të ndryshme

Shërbimet që ofrohen nga AKKC

• Licencim për ushtrim aktiviteti 
• Leje për ushtrim aktivtiteti (Formular I lejes)

Procedurat/mekanizmat për të dhënë mendime lidhur me procesin e hartimit të akteve ligjore/nënligjore, politikave publike apo në lidhje me ushtrimin e funksioneve të AKKC

• Komente/Rekomandime/Opinione të palëve të interesuara/grupe interesi*
• Shqyrtimi i komenteve dhe rekomandimeve*
• Raportet vjetore për transparencën në procesin e vendimmarrjes*
• Procedura/mekanizma për të dhënë mendime lidhur me hartimin e politikave publike apo ushtrimin e funksioneve të AKKC*

Ndihma shoqërore/subvencione të dhëna nga AKKC

• Ndihma shoqërore/subvencioneve të dhëna nga AKKC*
• Kategoritë dhe format e ndihmës shoqërore/subvencioneve*
• Procedura për të përfituar ndihmën shoqërore/subvencionet dhe dokumentacioni përkatës për aplikim*
• Procedura e ankimimit*

Informacioni / dokumente që kërkohen më shpesh dhe ato që gjykohen të dobishme për publikim nga AKKC

• Njoftime të ndryshme
• Njoftime për procedurat e rekrutimit/pranimit në shërbim civil
• Raporte
• Publikime
• Statistika
• Projekte
• Bashkëpunime etj.

Shënim: AKKC vlerëson publikimin duke patur parasysh kërkesat që merr më shpesh.

Sistemi i mbajtjes së dokumentacionit, llojet dhe format e dokumenteve

• Lista e dokumenteve që administrohen nga AKKC me afatet e ruajtjes
• Formën e dokumenteve/informacioneve (elektronik, kopje fizike, audio, video, foto)

Regjistri i kërkesave dhe përgjigjeve

• Regjistri I Kërkesave dhe Përgjigjeve 2024 (pdf)